لأنك منى

النهاردة لقيت سالى
لا..النهاردة كلمت سالى
سالى اللى كنت قالب عليها الدنيا من أكتر من سنتين
وكتبت ليها إعتذار هنا..بعنوان " أسف أنى كنت بهذا الغباء"؟
جالى صوت ضحكتها فى التليفون..رجعنى كام سنة ورا
حسيت انى صغرت وكبرت فى ثانية واحدة
صغرت بالذكريات اللى فى ضحكى وضحكها
وكبرت...وشعرى شاب...من أخبارها..ومن احولى وانا بحكيها
مبسوط
اتكلمنا اكتر من نص ساعة
ومن بعدها الرسايل مش راضية تقف
مبسوط..إنى بسمع شكوتها
ومبسوط..انى لقيت سالى...اللى بدون تردد فى اى وقت
هرفع سماعة التليفون...واعيط وانا بكلمها
البنى ادم ايه..من غير الناس اللى حواليه؟؟
واد ايه الناس الحلوة..تقدر تعمله فينا..؟؟
واد ايه المشاعر النبيلة...تقدر ترجع احترمنا لأنفسنا؟؟
لقيت سالى
ومش هسيبها تضيع من حياتى تانى
هجيب كرسى..أقعد فى أول قصتها