سالى
قابلتها اول مرة فى اول يوم ليا فى الكلية
اول يوم اروح فيه الجامعة
كانت هيا واحدة من تلاتة اصبحوا فيما بعد ولفترة طويلة هما شلتنا فى الكلية
شلة جمعتنى انا واتنين كمان من اصحابى
وبالرغم من انهم فى كلية علمية مختلفة
وبالرغم من اننا اتعرفنا على ناس كتير بعد كده من نفس كليتنا
إلا اننا فضلنا مع بعض
وفى كلية علوم واحدة درسنا اعدادى سوا
نتجمع على ميعاد ونفترق على ميعاد
سالى واحدة من البنات دول
بنت ناس جدا...محترمة جدا...دمها خفيف لأبعد مما تتخيل
عارف انت البنات اللى من اول يوم تعزها جدا زى اختك
عارف..؟؟
المهم
عدت سنة
وراح كل واحد فينا على كليته
وفضلت العلاقات موجودة
اخف لكن موجودة
سنة والتانية والتالتة
واحداث كتير
لا فى وقت ولا طولة بال انى احكيها
المهم...سالى اتخطبت
مين؟؟
دكتور بيشتغل فى الجيش
المفروض انه ابن ناس
شوية و فى اخر سنة اتجوزت
ومين يوم الفرح...وبقى من النادر انك تسمع عن أو من سالى
طبيعى
واتخرجنا
واشتغلنا
وعدت سنة واتنين و...؟
-ألو
-ألو
-ازيك
-مين..؟
-انا سالى
-سالى مين....!؟!؟!!!!؟
وتتفتح صفحة جديدة فى قصة كنت افتكرت انها خلصت
سالى حصل مشاكل بنها وبين جوزها اللى المفروض انه ابن ناس
وطلع ابن ......؟
طب ايه المشكلة..؟؟
المشكلة ان فيه طفلة صغيرة اصبحت واقع بيفرض نفسه فى حساب موازين القوى
وكونه اصلا مش راضى يطلق
وكونه وكونه وكونه
الأرض تلف بيك
مكنش لازم الصفحة دى
المهم
تليفون ....ورا تليفون
وابتديت احس انه غلط انى اكون موجود فى الفترة دى
أو
موجود بالكثافة دى
الست لما تكون خارجة من مشكلة كبيرة زى دى ممكن تتعلق فى قشاية
حتى لو كانت تلك القشاية المزعزمة هى ...انا
مش تخلف او غباء..او تخلى عن صديقة
بس ده الأحساس اللى جالى وقتها
واتأكدلى بعد كدة لما شفت ناس تانية بتقع فى نفس المطب
-ألو..عايزة محامى
وارشح محامى من بعيد
حاولت اقدم مساعدة
بعد فترة اتقطعت الأتصالات
وسبت الشغل ورحت فى دوامة انتظار السفر
وقبل السفر فكرت انا ممكن اكون عاوز اسلم على مين..؟؟
كنت حاولت اكلمها قبل كدة اكتر من مرة ولقيت نمرتها غير متاحة إلى الأبد
حاولت قبل ما اسافر وكانت نفس النتيجة
جيت السعودية
وفى يوم على النت فكرت ادور عليها على الفيس بوك
اصلى جيت هنا لقيت مصر كلها على الفيس بوك
المهم
دورت....طلعلى 12 اسم
تقريبا 11 من غير صور
نفسى اعتذر لها
بعت رسالة لل 12 كلهم
ودلوقتى وانا داخل بعد حوالى شهر
لقيت رد من سالى
دخلت وجويا احساس غريب
مزيج من الفرحة وحاجات كتير
واتصدمت انها طلعت واحدة تانية
سالى
اسف لو كنت اتخليت عنك فى وقت كنتى محتاجة حد جنبك فيه
**************************************
سؤال...؟؟
ليه ان بكتب ده تحت عنوان للحب وجوه اخرى...؟؟
1-يمكن عشان هي اكيد حبت جوزها وكانت النهاية كدة
2-يمكن عشان خفت انها تحبينى
3-يمكن عشان خفت ان انا احبها
4-يمكن عشان الحب مش بس علاقة بتجمع راجل وست..دى لغة اتصال تجمع بينا وبين كل حاجة حوالينا من اول اهلك واصحابك لحدكام معلقة سكر بتحبها فى شايك
قابلتها اول مرة فى اول يوم ليا فى الكلية
اول يوم اروح فيه الجامعة
كانت هيا واحدة من تلاتة اصبحوا فيما بعد ولفترة طويلة هما شلتنا فى الكلية
شلة جمعتنى انا واتنين كمان من اصحابى
وبالرغم من انهم فى كلية علمية مختلفة
وبالرغم من اننا اتعرفنا على ناس كتير بعد كده من نفس كليتنا
إلا اننا فضلنا مع بعض
وفى كلية علوم واحدة درسنا اعدادى سوا
نتجمع على ميعاد ونفترق على ميعاد
سالى واحدة من البنات دول
بنت ناس جدا...محترمة جدا...دمها خفيف لأبعد مما تتخيل
عارف انت البنات اللى من اول يوم تعزها جدا زى اختك
عارف..؟؟
المهم
عدت سنة
وراح كل واحد فينا على كليته
وفضلت العلاقات موجودة
اخف لكن موجودة
سنة والتانية والتالتة
واحداث كتير
لا فى وقت ولا طولة بال انى احكيها
المهم...سالى اتخطبت
مين؟؟
دكتور بيشتغل فى الجيش
المفروض انه ابن ناس
شوية و فى اخر سنة اتجوزت
ومين يوم الفرح...وبقى من النادر انك تسمع عن أو من سالى
طبيعى
واتخرجنا
واشتغلنا
وعدت سنة واتنين و...؟
-ألو
-ألو
-ازيك
-مين..؟
-انا سالى
-سالى مين....!؟!؟!!!!؟
وتتفتح صفحة جديدة فى قصة كنت افتكرت انها خلصت
سالى حصل مشاكل بنها وبين جوزها اللى المفروض انه ابن ناس
وطلع ابن ......؟
طب ايه المشكلة..؟؟
المشكلة ان فيه طفلة صغيرة اصبحت واقع بيفرض نفسه فى حساب موازين القوى
وكونه اصلا مش راضى يطلق
وكونه وكونه وكونه
الأرض تلف بيك
مكنش لازم الصفحة دى
المهم
تليفون ....ورا تليفون
وابتديت احس انه غلط انى اكون موجود فى الفترة دى
أو
موجود بالكثافة دى
الست لما تكون خارجة من مشكلة كبيرة زى دى ممكن تتعلق فى قشاية
حتى لو كانت تلك القشاية المزعزمة هى ...انا
مش تخلف او غباء..او تخلى عن صديقة
بس ده الأحساس اللى جالى وقتها
واتأكدلى بعد كدة لما شفت ناس تانية بتقع فى نفس المطب
-ألو..عايزة محامى
وارشح محامى من بعيد
حاولت اقدم مساعدة
بعد فترة اتقطعت الأتصالات
وسبت الشغل ورحت فى دوامة انتظار السفر
وقبل السفر فكرت انا ممكن اكون عاوز اسلم على مين..؟؟
كنت حاولت اكلمها قبل كدة اكتر من مرة ولقيت نمرتها غير متاحة إلى الأبد
حاولت قبل ما اسافر وكانت نفس النتيجة
جيت السعودية
وفى يوم على النت فكرت ادور عليها على الفيس بوك
اصلى جيت هنا لقيت مصر كلها على الفيس بوك
المهم
دورت....طلعلى 12 اسم
تقريبا 11 من غير صور
نفسى اعتذر لها
بعت رسالة لل 12 كلهم
ودلوقتى وانا داخل بعد حوالى شهر
لقيت رد من سالى
دخلت وجويا احساس غريب
مزيج من الفرحة وحاجات كتير
واتصدمت انها طلعت واحدة تانية
سالى
اسف لو كنت اتخليت عنك فى وقت كنتى محتاجة حد جنبك فيه
**************************************
سؤال...؟؟
ليه ان بكتب ده تحت عنوان للحب وجوه اخرى...؟؟
1-يمكن عشان هي اكيد حبت جوزها وكانت النهاية كدة
2-يمكن عشان خفت انها تحبينى
3-يمكن عشان خفت ان انا احبها
4-يمكن عشان الحب مش بس علاقة بتجمع راجل وست..دى لغة اتصال تجمع بينا وبين كل حاجة حوالينا من اول اهلك واصحابك لحدكام معلقة سكر بتحبها فى شايك
5 comments:
يمكن عشان الحب مش بس علاقة بتجمع راجل وست..دى لغة اتصال تجمع بينا وبين كل حاجة حوالينا من اول اهلك واصحابك لحدكام معلقة سكر بتحبها فى شايك
--------------
اؤمن تماما بالجمله دي
اعتقد انها قبلت اعتذارك و تفهمت موقفك
و يمكن تكون كانت حاجه هيا محتجاها منك
وكان عندك حق تماما في موقفك دا
عشان اكتر لحظاات الي ممكن الانسان يتعلق فيها حد باي حاجه في الدنيا هي اوقات ضعفه
هون على نفسك
و في النهايه و عسى ان تكرهوا شيئا و يجعل الله فيه خير كثيرا
:)
انا مريت بموقف مشابه تقريبا
بعدت اوى لانى خفت اوى
ما اعرفش خفت منى ولا منه ولا من الايام ولا من ايه ؟؟
سالت نفسى اوى الف مره انا ليه عملت كدا
بس للاسف ولا مره لقيت اجابه الا انى مش عايزه اخسره
كنت حاسه اوى بتانيب الضمير بشكل وحش اوى بجد
الى ان ارتبط الحمد لله رسميا حاليا فبجد حسيت براحه فظيعه جدا وانى ما غلطتش فى حقه وانه اكيد دا نصيبه
وحمدت ربنا اوى انى ما ارتكبتش اى حاجه تحسب عليا كحماقه فى انى انافق مشاعرى او يعنى اصنفها عشان ابقى جنب حد ارتاح فى انه يحكى اوى عن ازمته ايامها
بجد حاسه جدا باللى انت بتتكلم فيه
يا رب تطمن عليها ولو من بعيد حتى ويا رب اعتذارك يوصلها عشان على الاقل بس احساسك بالعذاب دا ينتهى
ربنا معاك
شكرا ليك جدا
ما افتركرش ان اللي عملته حاجة تستحق الأسف
لما تكون انسانة عزيزة عليك بج
يهمك أمرها بجد
بتخاف عليها بجد
طبيعي انك تفكر في مصلحتها بواقعية حتى لو الواقهية ده طلعت شبه القسوةو التخلي
انت خفت لا تحبك أو تحبها
حب على أرض مهزوزة
أرض اتكونت من فشل و حرج
مين عارف يمكن لو كمل كان نجح
او فشل
لكن حسيت انها أكبر من إنك تسيب الحكاية لــ .. يمكن
فبعدت
ده إحترام أكيد لا يستحق أسف
إنت في السعودية ولا في مصر؟
واحشنا بجحد
يمكن عشان الحب مش بس علاقة بتجمع راجل وست..دى لغة اتصال تجمع بينا وبين كل حاجة حوالينا من اول اهلك واصحابك لحدكام معلقة سكر بتحبها فى شايك
عجبتنى اوى الجمله دى .. ربما لواقعيتها الشديده
انت كنت بتفكر صح المشاكل والاحتياج كتير بيخلق عندنا وهم الحب
بتكون نوع من المشاعر لكنها هشه اوى وبنكتشف ده فيما بعد
وكمان وجودك بحد ذاته خطأ فى ظل انها مازالت تحمل اسم راجل تانى
ماشاء الله عليك متميز دايما بكتابتك
احيانا عندما تقرء شيئا وتشعر به تعجز عن التعليق او قد ترى انه عليك فقط ان تقول
صدقت
تحياتى
Post a Comment